АСТАНА, 30 қаңтар - Sputnik. АҚШ Абу-Дабиде Украина мен Ресейде энергетика нысандарына жасалатын соққыларды тоқтата тұруды ұсынды. Бұл туралы РИА новости хабарлады.
Американдық делегация өткен аптада Абу-Дабидегі келіссөздерде Украина мен Ресей келісімге қадам ретінде бір-бірінің энергетикалық нысандарына соққы беруді тоқтату идеясын алға тартты, деп жазады Financial Times газеті келіссөздерге қатысқан дереккөздер мен Украинаның жоғары лауазымды тұлғасына сілтеме жасай отырып.
"Олар (дереккөздер - ред.) бұл АҚШ делегациясының идеясы деп мәлімдеді. Украина және Ресей бір-бірінің энергетикалық нысандарына соққыларды тоқтата тұруға келісті... Шиеленісті реттеу бойынша келіссөздер аясында деэскалацияға қадам жасалды", - делінген басылымның хабарламасында.
Бұған дейін АҚШ президенті Дональд Трамп Ресей президенті Владимир Путинге жеке өзі Киевке және Украинадағы бірқатар басқа қалаларға соққы бермеуді сұрағанын айтқан.