АСТАНА, 28 қаңтар - Sputnik. Жыл басынан бері қарулы күштерде әскери қызметшілердің қаза табуына байланысты бірқатар шаралар қабылданды, деп хабарлайды Қорғаныс минситрлігі.
Марқұм сарбаздардың туыстарына көңіл айтқан министрлік бірқатар жоспарымен бөлісті. Қорғаныс министрі Дәурен Қосановтың тапсырмасымен қайғылы оқиғалардың алдын алуға бағытталған шұғыл шаралар кешені қабылданды, дейді министрлік.
Қару-жарақты пайдалану, сабақтар өткізу, атыс жаттығулары мен тапсырмаларды орындау кезінде қауіпсіздік шараларын сақтау талаптары қатаңдатылды.
Әскери бөлімдерге Қарулы Күштердің жеке құрамын кешенді психологиялық тексеруден өткізу үшін комиссия жіберілді.
Командирлер мен сержанттық құрамның жеке жауапкершілігі арттырылды.
Жеке құрамға бақылау, бейнебақылау, оның ішінде қызметтен тыс уақытта да, күшейтілді.
Тәулік бойы бақылау енгізіліп, құқық бұзушылықтар мен оқиғалардың алдын алуға бағытталған қосымша профилактикалық шаралар қабылданды.
Әскери қызметшілердің туыстарымен тұрақты бейнебайланысы қамтамасыз етілді.
Орын алған барлық оқиғалар бойынша нақты кадрлық және тәртіптік шешімдер қабылданды, делінген хабарламада.
"Шығыс" өңірлік қолбасшылығының қолбасшысы, штаб бастығы және қолбасшының тәрбие және идеологиялық жұмыс жөніндегі орынбасары тәртіптік жауапкершілікке тартылды. Әскери қызметші қаза тапқан әскери бөлімнің командирі, оның орынбасары, сондай-ақ батальон командирі атқарып отырған лауазымдарынан босатылды", - деп жазды министрлік.
Қорғаныс министрлігі сонымен қатар 2024 жылы мерзімді сарбаздармен үш суицид оқиғасы болғанын, 2025 жылы екі жағдай болғанын хабарлады.
2026 жылдың басынан бастап әр түрлі себептермен мерзімді сарбаздардың қайтыс болғаны туралы төрт ресми хабарлама келді.
Бірінші 6 қаңтарда Ұлттық ұлан Шымкентте әскери қызметші кенеттен жүрек тоқтауынан қайтыс болғанын хабарлады. Алдын ала диагноз - "жедел лейкемия", - деді Ұлттық ұлан.
15 қаңтарда Ақтау гарнизонында келісімшарт бойынша қызмет еткен кіші сержанттың қайтыс болғаны туралы хабарланды.
25 қаңтарда Өскеменде тағы бір сарбаз қаза болғаны белгілі болды, мерзімді басылым қарауыл қызметі кезінде қаза тапқанын жазды. Қорғаныс министрлігінің хабарлауынша, қаза "оқ жарақатынан" болған.
27 қаңтарда Бас прокуратура Жамбыл облысында мерзімді сарбаз қайтыс болғаннан кейін тергеу басталғанын мәлімдеді. Ол қарумен жұмыс істеу кезінде жарақат алып, кейін көз жұмған.