АСТАНА, 4 қаңтар - Sputnik. Украина премьер-министрінің орынбасары Тарас Качка 2027 жылы Украина Еуроодаққа қосылуы мүмкін екенін айтты, деп хабарлады РИА Новости.
Бұған дейін Washington Post газеті украиналық және америкалық шенеуніктерге сілтеме жасай отырып, Украинаның Еуроодаққа 2027 жылы қосылу мүмкіндігі қақтығысты реттеу бойынша келіссөздер аясында талқыланып жатқанын, бірақ бұл кейбір еуропалық елдерді алаңдатып отырғанын хабарлаған болатын.
"Бұл өте теориялық сипаттағы, өте рекордтық, бірақ мүмкін мерзім", - деді Качка 2027 жыл Украинаның Еуроодаққа қосылатын мерзім болуы мүмкін бе деген сұраққа жауап бере отырып.
Ол сонымен қатар Еуроодаққа қосылу мерзімін 2030 жыл деп белгілейтін стандартты "күту күнтізбесі" бар екенін, бірақ мерзім қысқартылуы мүмкін екенін айтты.
2022 жылдың маусымында Еуроодақ Украинаға кандидат ел мәртебесін берді. ЕО бұл шешімнің негізінен символикалық сипатта екенін, Киевтің Мәскеумен қақтығысында қолдауға бағытталғанын бірнеше рет мойындады.
Сонымен қатар Ресей президентінің баспасөз хатшысы Дмитрий Песков Еуроодаққа қосылуды Киевтің егемендік құқығы деп атады. Дегенмен бірқатар еуропалық мелекет Киевтің Еуроодаққа қосылуына қарсы.