АЛМАТЫ, 27 қараша – Sputnik. Алматыда жасөспірімді акция өткізуге тартқан қайырымдылық қорының басшысы 200 мың теңгеге жуық айыппұл арқалады, деп хабарлайды Жоғарғы сот.
Жасөспірім қала базарында қоғамдық қайырымдылық акциясына қаражат жинаған.
"Кәмелетке толмағандар азаматтарды қайырымдылыққа шақырып, шу шығарып, қоғамдық тәртіпті бұзған", - дейді ведомство.
Қор директорына қатысты әкімшілік іс қозғалды.
"Сот отырысында қор директоры өз кінәсін мойындап, іс материалдарында көрсетілген мән-жайларды растады. Оған 196 мың теңге айыппұл салынды", - дейді сот.