АСТАНА, 14 қараша – Sputnik. Қазақстаннан сұйытылған мұнай газын алып шығуға салынған тыйымның күші 14 қарашада аяқталуы керек еді.
Дегенмен, энергетика министрлігі оны тағы алты айға ұзарту туралы шешім қабылдады, бұл сұйытылған мұнай газын, пропан мен бутанды автомобиль және теміржол арқылы алып шығуға әсер етті.
Құжатқа сәйкес, бұл тыйым мыналарға қатысты емес:
ҚР президенті бекіткен өнімді бөлу туралы келісім немесе жер қойнауын пайдалану туралы келісімшарт бойынша өндірісті жүзеге асырған, тұрақты салық режимін пайдаланатын жер қойнауын пайдаланушылардың алып шығуы;
ҚР халықаралық шарттарына негізделген Қарашығанақ кен орнында өндірілген (өңделген) қазақстандық шикізаттан өндірілген (өңделген) тауарларды алып шығу;
ҚР аумағынан тыс жерлерден басталатын және аяқталатын орны ауысатын транзиттік жөнелтімдер;
ҚР үкіметінің шешімі бойынша гуманитарлық көмек ретінде алып шығулар.
Алдыңғы салынған тыйым 14 қарашаға дейін күшінде болды.