АСТАНА, 4 қараша - Sputnik. Қазақстанның Ресейдегі елшілігі ресейліктерді Халық бірлігі күнімен құттықтады. Құттықтау дипломатиялық өкілдіктің Telegram каналында жарияланды.
"Қазақстан үшін Ресей маңызды стратегиялық серіктес, тату көрші және сенімді одақтас болды және болып қала береді. Біздің елдеріміз арасындағы қарым-қатынас қарқынды дамып келеді және жыл сайын жаңа жобалар мен нақты істерге толы болады", - делінген құттықтауда.
Қазақстандық дипломаттар ресейліктерге зор денсаулық, өркендеу, бейбітшілік пен амандық тіледі.