АЛМАТЫ, 9 қазан – Sputnik. Талдықорғанда туған қызын бірнеше жыл зорлаған 39 жастағы ер адамға сот үкімі шықты, деп хабарлайды Жетісу облыстық соты.
Қылмыскер жантүршігерлік әрекетін қызының 8 жасынан бастап 8 жыл бойы жасап келген.
"Сот үкімімен сотталушы Қылмыстық кодексті 121-бабы 4-бөлігімен кінәлі деп танылды. Оған өмір бойына бас бостандығынан айыру түріндегі жаза тағайындалды. Бас бостандығынан айыру орны бойынша химиялық кастрация жасалады", - дейді ведомство.
4 баланың әкесі жазасын қатаң тәртіптегі түрмеде өтейді.