АСТАНА, 9 қазан – Sputnik. Еңбек және халықты әлеуметтік қорғау министрлігі шетелде жұмыс істейтін қазақстандықтардың санын жариялады, деп хабарлайды Sputnik Қазақстан тілшісі.
Вице-министр Асқарбек Ертаевтың айтуынша, қазіргі кезде шетелде барлығы 126 мың Қазақстан азаматы жұмыс істейді.
Олардың ішінде:
102 мың адам Ресей Федерациясында еңбек етеді;
15 мың қазақстандық Оңтүстік Кореяда;
2 мың адам Ұлыбритания мен Еуроодақ елдерінде жұмыс істейді.
Бүгін сенат Қазақстан мен Қатар арасындағы келісімді де ратификациялады. Соның аясында қазақстандықтар араб елінде заңды түрде жұмыс істей алады.