АСТАНА, 25 қыркүйек — Sputnik. "Қазпошта" АҚШ-қа жөнелтілетін сәлемдемелерге қызмет көрсетуді уақытша тоқтатты, деп хабарлады компания.
"Қазпошта" АҚ АҚШ Шекара-кеден қызметінің 2025 жылғы 26 тамыздағы шешіміне байланысты АҚШ-тағы мекенжайға бағытталған сәлемдемелерді қабылдау және жеткізу уақытша тоқтатылатынын хабарлайды", - деп жазылған хабарламада.
Хаттар мен құжаттарды жіберу қалыпты түрде жалғасады.
Компания шектеуді америкалық тарап енгізгенін,ол көптеген елден келетін халықаралық пошта жөнелтілімдеріне қолданылатынын атап өтті.
"Қазіргі кезде Дүниежүзілік пошта одағына мүше 192 мемлекеттің тек 5-і ғана АҚШ-қа сәлемдеме жібере алады", - деп жазылған хабарламада.
"Қазпошта" АҚ серіктестермен тұрақты байланыста және қызметті жылдам қалпына келтіру үшін белсенді келіссөз жүргізіп жатыр.