АСТАНА, 22 қыркүйек – Sputnik. Украинаға НАТО елдерінің ерікті жарналары арқылы жедел қару-жарақ жеткізуді көздейтін PURL PURL (Prioritized Ukraine Requirements List) бастамасы үшін қазан айында қосымша қаржы бөлінеді, деп мәлімдеді жексенбіде Украина басшысы Владимир Зеленский.
Тамыз айының басында Украина қорғаныс министрі Денис Шмыгаль АҚШ пен НАТО Украинаға одақ елдерінің ерікті жарналары арқылы тез қару-жарақ жеткізуді көздейтін PURL бастамасы арқылы қолдау көрсетудің жаңа механизмін іске қосып жатқанын хабарлады.
"Қазан айында біз осы бастама үшін қосымша қаржы күтеміз", - деп атап өтті Зеленский Telegram каналында жариялаған видеосында.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.