АЛМАТЫ, 22 қыркүйек - Sputnik. "Орыс үйлеріндегі шахмат дипломатиясы" атауымен 10 мемлекеттің орыс үйінде шахмат клубы ашылады.
Шахмат клубтары Қазақстан, Тәжікстан, Венгрия, Иордания, Танзания, Чили, Замбия, Египет, Маврикий Республикасы және Үндістанда іске қосылады. Жаңа жоба туралы оның жетекшісі, Ресей сенаторы, Мәскеу облысы шахмат федерациясының президенті Сергей Карякин айтты.
"Достық елдері орыс үйлеріндегі шахмат алаңдары балаларды, жастарды, отбасыларды, түрлі мәдениет өкілдерін біріктіретін алаң болады. Бұл нағыз шахмат дипломатиясы", - деді ол.
Мәскеу облысының шахмат федерациясы әдістемелік базаны, білім беру бағдарламаларын қамтамасыз етеді.
Сергей Карякиннің айтуынша, бәрі кәсіби деңгейде болады. Астанадағы орыс үйінде жаңа халықаралық шахмат клубы жұмысын бастады.