АЛМАТЫ, 16 қыркүйек – Sputnik. 26 қыркүйекте Байқоңырда күздің ең ауқымды іс-шарасы – "Халықтар достығы!" мерекесі өтеді, деп хабарлайды Sputnik Қазақстан.
Мекемелер мен ұйымдар әртүрлі елдің мәдениетін, биі мен әнін және дәстүрін көрсетеді.
"Әр ұлттың киімдерін киіп, парадқа шығады. Іс-шараға қатысушылар "Достық дөңгелек биін" билейді. Сондай-ақ ұлттық тағамдар ұсынылады", - деп жазылған Байқоңыр қаласының баспасөз қызметі таратқан хабарламада.
Ұлттық спорт түрлерінен көрмелер мен мастер-кластар, жарыстар өтеді. Мереке сағат 18.00-де Байқоңыр қаласының орталық алаңында басталады.