АСТАНА, 9 қыркүйек – Sputnik. Автомобильдерді сынау кезінде заң бұзған зертханаға 1,5 миллион теңге айыппұл салынды, деп хабарлады сауда және интеграция министрлігі.
Қонаев қаласының әкімшілік құқық бұзушылықтар жөніндегі мамандандырылған ауданаралық сотына "PLANK" ЖШС-ға1,5 млн теңге көлемінде әкімшілік айыппұл салынды. Сонымен қатар, сот шешімімен зертхананың аккредиттеу аттестаты 6 ай мерзімге тоқтатылды.
Әкімшілік жауапкершілікке тартуға Кеден одағы техникалық регламентінің талаптарын бұза отырып, көлік құралдарына сынақтар жүргізу бойынша жоспардан тыс тексерулердің нәтижелері негіз болды.
Атап айтқанда, сынақтарды жүргізудегі бұзушылықтар. Зертхана шұғыл жедел қызметтерді шақыру құрылғыларына нақты сынақ жүргізбеген. Сондай-ақ, белгілі бір көлік құралын сынау үшін қолданылмайтын тежегіш стендті қолданғаны дәлелденді.
Бүгінгі күні зертхана анықталған заңбұзушылықтарды жою бойынша нұсқамаларды толық көлемде орындады. Заңды бұза отырып берілген куәліктердің күші жойылды, қызметкерлерге заңнаманы сақтау бойынша техникалық оқу жүргізілді, дейді министрліктегілер.