АСТАНА, 5 қыркүйек - Sputnik. Шығыс экономикалық форумның пленарлық отырысында Моңғолия премьер-министрі Гомбожавын Занданшатар "Сібір қуаты – 2" газ құбырын қолдайтынын мәлімдеді.
"Осы трибунадан Моңғолия үкіметінің осы мегажобаны іске асыру үшін жан-жақты қолдау көрсету ниеті туралы жауапкершілікпен мәлімдеймін", - деді премьер-министр.
"Сібір қуаты – 2" газ құбыры жылына 50 миллиард текше метр газ айдайды, деді ол.
"Моңғолия тек транзиттік ел ғана емес, Моңғолия табиғи газды тұтынып, сатып ала алады, ірі қалаларды осы газ құбырына қосып, яғни газдандыру жұмысын жүргізе алады", - деп атап өтті Моңғолия министрлер кабинетінің басшысы.
Бұл Ұлан-Батырдағы түтін басу сияқты экологиялық апаттармен күресуге көмектеседі, дейді премьер.