АСТАНА, 3 қыркүйек – Sputnik. Денсаулық сақтау министрлігі 2023 жылы әскери қызметті өткеру кезінде ауыр бас сүйек-ми жарақатын алған Ұлттық ұланның бұрынғы әскери қызметшісі Мұхтар Ербаянның Түркияға емделуге жіберілгенін хабарлады.
"Комиссияның шешімімен нейромодуляторлық ем жүргізу және пациенттің соматикалық мәртебесін сақтау үшін Medipol Global клиникасына (Түркия) емделуге Мұхтар Ербаянды жіберу мақұлданды", - делінген хабарламада.
Бұған дейін Қазақстанда Мұхтар Ербаян Алматы қаласының Орталық қалалық клиникалық ауруханасында және Астанадағы Ұлттық нейрохирургия орталығында ем алған болатын. 2024 жылдың тамызынан бастап 2025 жылдың қаңтарына дейін отбасының қолдауымен Түркияда қалпына келтіру емінен өтті. Қазақстанға оралғаннан кейін мамандардың бақылауында болды және үйде медициналық көмек алды.
Пациент Астанадан Ыстанбұлға Ішкі істер министрлігінің бортында тасымалданды. Науқасты клиника өкілдері қарсы алды. Пациенттің жағдайы тұрақты.