АСТАНА, 3 қыркүйек – Sputnik. Эстония биыл Украинаға әскери көмек көрсетуге ішкі жалпы өнімнің 0,3%-ын жұмсады, деп хабарлады сәрсенбі күні Эстония президенті Алар Карис НАТО бас хатшысы Марк Рюттемен бірлескен конференцияда.
"Эстония Украинаға қолдау көрсетуді жалғастырады... Биылдың өзінде біз Украинаға тікелей әскери қолдау көрсетуге ішкі жалпы өнімнің 0,3 пайызын жұмсадық", - деген саясаткер елдің әскери өнеркәсібі Украинамен ынтымақтасатынын мәлімдеді.
Карис келесі жылдан бастап елдің қорғаныс саласына ішкі жалпы өнімнің 5 пайыздан астамы жұмсала бастайтынын еске салды.
Тамыз айында Эстония премьер-министрі Кристен Михал Украинаға "еріктілер коалициясы" құрамында бір ротадан тұратын контингентті жіберуге дайын екенін мәлімдеді.
Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.