АСТАНА, 21 тамыз – Sputnik. Украина басшысы Владимир Зеленский Ресей президенті Владимир Путинмен келіссөз Швейцария, Австрия және Түркияда өтуі мүмкін деп болжайды. Оның бірқатар БАҚ-қа берген түсініктемесін Франс Пресс агенттігі жариялады.
"Швейцария, Австрияда өтсе, біз келісеміз... Түркия НАТО елі және Еуропаның бір бөлігі. Біз бұған да қарсы емеспіз", - деді Зеленский.
Ресей кездесуге қатысты шешімін, егер ол өтетін болса, өтетін орны мен күнін жариялаған жоқ.
Бұған дейін ақпарат құралдары кездесу өтуі мүмкін қалалардың қатарында Будапешт, Рим, Хельсинки, Ватикан және Женеваны атаған болатын. Беларусь тарапы кездесуді ұйымдастыруға қызығушылық танытты.
Трамп сейсенбіде Ресей президенті Владимир Путин мен Украина президенті Владимир Зеленскийдің кездесуіне дайындық басталғанын, одан кейін өзінің қатысуымен үшжақты кездесу өтуі мүмкін екенін мәлімдеді.