АЛМАТЫ, 17 тамыз - Sputnik. Өткен жартыжылдықтың қорытындысы бойынша Қазақстан бір жыл бұрынғы кезеңмен салыстырғанда ресейлік шоколадты үштен бірге көбірек сатып алды, деп хабарлады РИА Новости мемлекеттік қызмет мәліметтеріне сілтеме жасап.
Мәселен, бұл импорттың жалпы көлемі 118,3 млн доллар (28 мың тонна үшін) болды. Өткен жылдың сәйкес кезеңімен салыстырғанда шамамен 32%-ке өсті.
Бұл ретте маусым айында 19,6 млн долларға (4,3 мың тоннаға) шоколад импортталды. Бір айлық мәнде жеткізілім 4% төмендеп, жылдық мәнде 1,4 есе өсті.
Ресей Федерациясынан басқа, Қазақстан Украинадан (31 миллион долларға), Түркиядан (17,7 миллион долларға), Германиядан (10,3 миллион долларға) және Италиядан (6,2 миллион долларға) шоколад сатып алды.
Басқа тәттілердің ішінен Қазақстан бірінші жартыжылдықта Ресейден құрамында какао жоқ қанттан жасалған кондитерлік өнімдерді сатып алды. Мысалы, оларға ақ шоколад жатады. Қаңтар - маусым айларында жеткізілім 38,2 миллион долларға жетті. Бұл бір жыл бұрынғыға қарағанда 10%-ке көп.
Қант 159,6 миллион долларға (255,6 мың тоннаға) сатып алынды, бұл жылдық көрсеткіштен 27%-ке көп.