АСТАНА, 12 тамыз – Sputnik. Павлодарлық "Панфиловшылар" жасағының іздеушілері - командирдің орынбасары Рафаэль Мұхамеджанов және жауынгер Вахит Валиев "Батыс майдан. Варшава тас жолы" XII халықаралық әскери-тарихи экспедициясына қатысты, деп хабарлайды Ресейдің Қазақстандағы елшілігі.
Бұл ірі іздеу экспедициясына өңірлік ұйымнан 600-ден астам белсенді, Ресей қорғаныс министрлігінің жекелеген 90-шы арнайы іздестіру батальонының әскери қызметшілері және Беларусь, Қазақстан, Қырғызстан, Молдова, Өзбекстан өкілдері қатысты.
Қазақстандық жасақшылар "Батыс майдан. Варшава тас жолы" экспедициясына қатысты
Іздеу жұмыстары 11-24 тамыз аралығында Ұлы Отан соғысы жылдарындағы шайқас орындарында 269,8 (Подкоп) және 275,6 метр (Зайцева Гора) биіктікте өтеді.
Дәл сол жерде 1942 жылдан 1943 жылдың көктеміне дейін Батыс майдан әскерлері стратегиялық маңызды магистраль үшін неміс армия тобының "Орталық" әскерлерімен үздіксіз қанды шайқастар жүргізді.
Жас еріктілер іздеудің әртүрлі бағыттары туралы теориялық білім алып, іс жүзінде пысықтай алады. Олар сондай-ақ пікірталас алаңдары мен шеберлік сабақтарына қатысып, тәжірибе алмасады.