АСТАНА, 8 шілде – Sputnik. Дженнифер Лопестің концертіне байланысты Алматыдағы бірқатар орталық көше жабылады, деп хабарлады мегаполистің полиция департаменті.
10 тамызда Алматыда америкалық әнші Дженнифер Лопес концерт береді. Дәл осы күні сағат 16:00-ден бастап кейбір көшелерде көлік қозғалысы шектеледі.
Қозғалыс жабылатын учаскелер:
Байтұрсынов көшесі — Шевченкодан Тимирязевке дейін
Сәтбаев көшесі — Сейфуллиннен Байзақовқа дейін
Абай даңғылы — Сейфуллиннен Мұқановқа дейін
Тәртіп сақшылары азаматтардан өз бағыттарын алдын ала жоспарлап, қозғалыстағы өзгерістерді ескеруді сұрайды.
Еске салайық, бұған дейін Джей Ло Астанада 1 тамызда концерт беріп, шоуға 25 мыңға жуық көрермен жиналған болатын.