АСТАНА, 16 шілде – Sputnik. Қостанай облысында ауыл тұрғыны әйелі мен енесін өлтіріп тастады, деп хабарлайды Sputnik Қазақстан.
Облыстық полиция депаратменті ұсынған ақпаратқа сәйкес, бұл оқиға 15 шілде күні Қарабалық кентінде болған. Жекеменшік үйлердің бірінен зорлық-зомбылық белгілері бар екі адамның мәйіті табылды.
"Алдын ала мәлімет бойынша қылмыс отбасылық жанжал кезінде жасалған. Аталған факті бойынша полиция қылмыстық іс қозғады. Жедел іздестіру іс-шаралары барысында қылмыс жасады деген күдікпен Қарабалық кентінің 45 жастағы тұрғыны ұсталды", - дейді тәртіп сақшылары.
Ал әлеуметтік желіде отбасылық жанжал кезінде 10 жастағы баланың да жарақат алғаны туралы ақпарат тарады. Ол тағы екі бауырымен қашып үлгерген.
Sputnik Қазақстан Қарабұлақ аудандық білім бөліміне де хабарласты. Қамқоршылық органы мамандарының айтуынша, жарақат алған баланың денсаулығына қауіп төніп тұрған жоқ. Қазіргі таңда үш бала да тәтесінің үйінде.
Полиция тергеу шараларын бастады. Қылмыстың мән-жайы анықталады.