АСТАНА, 9 шілде – Sputnik. Полицейлер "Таза Қазақстан" акциясы аясында 500-ге жуық адам жауапқа тартылды, деп хабарлайды Sputnik Қазақстан Polisia.kz порталына сілтеме жасап.
Қазақстанда 2024 жылдың 15 сәуірінде "Таза Қазақстан" акциясы басталған болған. Соның аясында полиция қызметкерлері белсенді азаматтармен бірлесіп рейдтер өткізіп, заңсыз қоқыс тастау орындары мен қалдықтарды төгу фактілерін анықтап жатыр.
"Акция басталғалы бері 2 426 рұқсат етілмеген қоқыс үйіндісі анықталды. 480 мыңнан астам құқықбұзушы жауапкершілікке тартылды. Жергілікті атқарушы органдарға құқықбұзушылықты жою туралы 1 500-ден астам ұсыным жолданып, соның негізінде 1 256 қоқыс үйіндісі жойылды", - дейді полицейлер.
Сондай-ақ, тұрғындар мен ұйымдар арасында түсіндіру жұмыстары да жүргізіледі.
Құқықбұзушылықтар анықталған жағдайда 102 нөміріне немесе iKomek — 109 қызметіне хабар беруге болады.