АСТАНА, 6 шілде - Sputnik. Мемлекет басшысы Қасым-Жомарт Тоқаев АҚШ президентіне көңіл айту жеделхатын жолдады, деп хабарлайды Ақорда.
Қасым-Жомарт Тоқаев Дональд Трампқа Техас штатындағы алапат су тасқыны салдарынан көптеген адамның, соның ішінде балалардың қаза тапқанына байланысты көңіл айту жеделхатын жолдады.
Техас штатында алапат су тасқыны болды
© AP Photo / Julio Cortez
Мемлекет басшысы қайтыс болған азаматтардың отбасы мен жақын туыстарына көңіл айтты. Сондай-ақ зардап шеккендердің тезірек сауығып кетуіне тілектестік білдірді.
Америкалық БАҚ-тың хабарлауынша, Техастағы су тасқынынан қаза тапқандар саны 50-ден асты, оның 15-і - бала.
Сондай-ақ Гуадалупе өзенінің бойында орналасқан лагерьде болған 27 қыз із-түзсіз жоғалған.
Сондай-ақ Гуадалупе өзенінің бойында орналасқан лагерьде болған 27 қыз із-түзсіз жоғалған.
Су тасқыны 4 шілде күні таңертең болды. 45 минут ішінде Гуадалупе өзеніндегі су деңгейі 8 метрге көтеріліп, үйлерді, көліктер мен көпірлерді шайып кетті. Жаңбыр келесі күні де жалғасты, бірқатар ауданда жаңа су тасқыны туралы ескертулер сақталып отыр.