АСТАНА, 17 маусым – Sputnik. Қазақстан президенті Қасым-Жомарт Тоқаев Құрық портында Қытаймен бірлескен жүк портын салуды ұсынды, деп хабарлайды Sputnik Қазақстан тілшісі.
Бүгінде Қазақстан Транскаспий бағытын күшейту мақсатында Каспий порттарын жаңарту мен цифрландыру, сондай-ақ жүк терминалдарын салу шараларына басымдық беріп келеді.
"Осы орайда Каспий теңізіндегі Құрық портында Қытаймен бірлескен жүк портын құруды ұсынамыз", - деді Тоқаев "Орталық Азия-Қытай" саммитінде.
Мемлекет басшысы болашақта қытайлық серіктестермен бірге трансшекаралық өзендерде кеме қатынасын дамытуға болатынын жеткізді.
"Біз Қазақстанның батысында Ақтөбе қаласында жүк әуе хабын құруға дайынбыз. Сол жерде барлық тауарды әуе қатынасымен Еуропалық одақ елдеріне тасымалдауға болады", - деп атап өтті президент.