АСТАНА, 8 мамыр - Sputnik. Қала басшысы 9 мамыр қарсаңында Алматы ардагерлеріне "Ұлы Отан соғысындағы Жеңістің 80 жылы" естелік медальдарын табыс етті, деп хабарлайды әкімдік.
Қазақстанда Ұлы Отан соғысының 105 ардагері қалды.
"Әкім ардагерлерді келе жатқан мерекемен құттықтап, Ұлы Жеңіске қосқан баға жетпес үлесі үшін алғысын білдірді", - делінген хабарламада.
Жеңіс күні, 9 мамырда Ольга Андреевна Савенко 102 жасқа толады. Ол Беларусь майданында болып, Варшава мен Берлин үшін шайқастарға қатысқан.
Алматыда ардагерлерге Жеңістің 80 жылдығы естелік медальдары табысталды
© Photo : Пресс-служба акима Алматы
Екатерина Баранова – 1-ші Украина майданының медбикесі, ордендермен және медальдармен марапатталған.
Алматыда ардагерлерге Жеңістің 80 жылдығы естелік медальдары табысталды
© Photo : Пресс-служба акима Алматы
Камбар Сәрсенов Беларусь, Латвия және Польша майдандарында соғысып, үш рет жараланды. Отан соғысы, Даңқ және Қызыл Жұлдыз ордендерінің иегері. Соғыстан кейін Алматыда энергетика саласында жұмыс істеді.
Алматыда ардагерлерге Жеңістің 80 жылдығы естелік медальдары табысталды
© Photo : Пресс-служба акима Алматы
Василий Долбня Қиыр Шығыста барлаушы қызметін атқарды, ерлігі үшін көптеген марапаттарға ие болды. Ол Жеңіс күнін отбасымен бірге атап өтеді.
Алматыда Ұлы Отан соғысының 21 ардагері тұрады. Қала әкімінің өкімі бойынша әрбір ардагерге Жеңістің 80 жылдығына орай 5 миллион теңге мөлшерінде біржолғы төлем беріледі.