АСТАНА, 30 сәуір – Sputnik. Мәжіліс депутаттары жаңа Салық кодексін екінші оқылымда қабылдады. Оның аясында жеке табыс салығының прогрессивті шкаласы енгізіледі, деп хабарлайды Sputnik Қазақстан тілшісі.
Прогрессивті шкала:
жалақы бойынша 8500 АЕК-ке дейінгі табысқа – 10% (жылына 33,5 млн теңгеге дейін), одан жоғары болса – 15%;
дивидендтер түріндегі кірістер үшін 230 000 АЕК дейін – 5% (1 млрд теңгеге жуық) және одан жоғары болса – 15%;
резидент емес жеке тұлғалардың кірістері үшін: 600 000 АЕК дейін – 10%, одан жоғары болса – 17%.
Сондай-ақ ойын бизнесі мен банктер үшін корпоративті табыс салығы мөлшерлемесі 25 пайызға дейін көтеріледі. Ал банктер үшін кәсіпкерлік субъектілерін несиелеуден түсетін кірістер бойынша мөлшерлеме 20 пайыз деңгейінде қалды.