АСТАНА, 16 сәуір – Sputnik. АҚШ президенті Дональд Трамп Ресей Украинадағы қақтығысты тоқтатқысы келеді деп санайды, деп хабарлады Ақ үйдің баспасөз хатшысы Каролин Левит. Бұл туралы РИА Новости жазды.
"Президенттің елшісі Стив Уиткофф кеше кешкісін өзі айтқандай, Ресей бұл соғысты тоқтатқысы келеді деп есептейді және президент (АҚШ президенті Дональд Трамп – ред.) те осы пікірде", - деді Левитт журналистерге арналған брифинг барысында.
Еске сала кетейік, Трамп бұған дейін Ресей мен Украина арасындағы соғысқа қатысы жоқ екенін айта келе, қазір өлімді тоқтату үшін көп жұмыс істеп жатқанын мәлімдеді.