АСТАНА, 12 сәуір – Sputnik. Түркістанда Жеңістің 80 жылдығына орай VI жастар спорт ойындары басталды, деп хабарлайды туризм және спорт министрлігі.
"Биылғы ойындар Жеңістің 80 жылдығы қарсаңында өтіп жатыр. Ата-бабаларымыз сұрапыл соғыста ерен ерлік көрсетіп, бізге бүгінгі бейбіт күнді сыйлады. Батырлардың ерлігі мен еңбегін ұмытпауымыз керек", – деді туризм және спорт министрі.
Кешенді жарыс 1 қазанға дейін спорттың 34 түрінен өтеді. Оған 2000-нан астам спортшы қатысады.
VI Жастар спорт ойындары еліміздің барлық өңірінде өтеді. Оның ішінде Түркістанда баскетболдан, байдаркада және каноэде есу спорт түрлері бойынша ұйымдастырылады.