АСТАНА, 26 наурыз – Sputnik. АҚШ президенті Дональд Трамп сәрсенбі күні Мәскеу де, Киев те Украинадағы қақтығысты тоқтатқысы келетініне сенім білдірді.
"Ресей қақтығысты аяқтағысы келеді деп ойлаймын. Зеленский де оның аяқталғанын қалайды", - деді Трамп Newsmax телеарнасына берген сұхбатында.
Бұған дейін Ақ үй америкалық делегацияның Ресей және Украина өкілдерімен Эр-Риядтағы кездесулерінің қорытындысы бойынша қауіпсіз кеме қатынасын қамтамасыз ету, күш қолдануды болдырмау және Қара теңізде коммерциялық кемелерді әскери мақсатта пайдалануға жол бермеу туралы келісімге қол жеткізілгенін хабарлады.