АСТАНА, 20 наурыз – Sputnik. Сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев мәжілістің экс-спикері Нұрлан Нығматулиннің ағасы Арғын Нығматулин іздеу жарияланғанға дейін Қазақстаннан кетіп қалғанын хабарлады.
"Біз оның Қазақстанда жоқ екенін білеміз. Тергеу басталмай тұрып-ақ елден кеткен. Оны іздеу және елге қайтару шаралары жүргізіліп жатыр", - деді Құрақбаев.
Арғын Нығматулин Қарағанды облысында хоккейді дамытуға бөлінген қаржыны жымқырды деген күдікке ілінді. Ол бұған дейін облыстық мәслихаттың депутаты болған, "Сарыарқа" хоккей клубын басқарған.