АЛМАТЫ, 17 наурыз – Sputnik. Жеңістің 80 жылдығына, сондай-ақ Отан қорғаушы күніне орай өтетін әскери шеруге дайындық және оны өткізу кезінде ұш кестесіне өзгеріс енгізілуі мүмкін, деп хабарлады Астана халықаралық әуежайы.
"Құзырлы органдардың бұйрығына сәйкес 22 сәуір мен 7 мамыр (қоса алғанда) аралығында Астана қаласының әуе кеңістігінде әскери авиацияның оқу-жаттығу ұшуларына байланысты қысқа мерзімді шектеулер енгізіледі", - дейді ведомство.
Осыған байланысты ұшу және ұшып келу кестесіне өзгеріс енгізілуі ықтимал. Әуежай жолаушыларға өзекті ақпаратты авиакомпаниялардың және әуежайдың ресми ресурстарынан алдын ала нақтылауды сұрады.