АСТАНА, 13 наурыз – Sputnik. SCAT әуе компаниясы Шымкент – Сеул бағыты бойынша Кореяға жаңа рейс ашуды жоспарлап отыр, деп хабарлады Көлік министрлігі.
Рейстер 29 мамырдан бастап аптасына екі рет (сейсенбі және жұма күндері) орындалады.
"Қазақстан мен Корея арасындағы рейстердің жалпы саны аптасына 8-ден 10-ға дейін артады", - деп жазылған хабарламада.
Әуе қатынасын ашу екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп жоспарланып отыр.