АЛМАТЫ, 10 наурыз – Sputnik. Қарағанды облысында діттеген жеріне жете алмай боранда қалған жолаушылар құтқарылды, деп хабарлады 112.
Құтқарушылар 40 адамды аман алып шықты. Рейстік автобус қарлы боранда тұрып қалған.
"Бүгін 112 пультіне рейстік автобус жүргізушісі хабарласып, Осакаровка ауданындағы қар үйіндісі салдарынан сапарды жалғастыра алмайтынын хабарлады", - деп жазылған ведомство хабарламасында.
Шақыру орнына дереу арнайы техника жіберіліп, 40 жолаушы Осакаровка кентінің теміржол вокзалына жеткізілді.
