АСТАНА, 5 наурыз – Sputnik. Премьер-министрдің орынбасары - ұлттық экономика министрі Серік Жұманғарин Астанада тіркелуге шектеу қойылған жағдайда маусымдық жұмысқа келгендер қалай тіркелетінін айтты, деп хабарлайды Sputnik Қазақстан тілшісі.
Бүгін мәжілістің қарауына енгізілген заңмен Астанада адамың тұрақты және уақытша тұратын жері бойынша тіркеу нормативін бекіту ұсынылып отыр. Жергілікті мәслихат бір азаматқа қанша шаршы метр тиісілі екені анықтап, сол нормативті бекітеді. Ал маусымдық жұмысқа келетін мамандарды тіркеу мәселесімен жұмыс беруші айналысады.
"Әрине, ертең жазда маусымдық жұмысқа келетіндер болады, құрылыс жұмыстарына адам тартылады. Соның бәрін ережеде көрсету керек. Мысалы, құрылысқа келсе, құрылыс иесі жатақханасын дайындап, адамдарды тіркеуге қоюы қажет", - деді Жұманғарин мәжілістің бүгінгі отырысында.
Айта кетері, осы мәселе бойынша Әкімшілік құқық бұзушылық туралы кодекске де өзгерістер енгізіледі. Оған сәйкес, тұрғын үйлерде тіркелген және тұрмайтын адамдарды тіркеуден шығармағаны үшін баспана иесі үшін жауапкершілікті күшейту қарастырылған.