АСТАНА, 24 ақпан – Sputnik. 2025 жылдың 29 мамырынан бастап SCAT әуе компаниясы "Шымкент – Каир" бағытында Мысырға жаңа бағыт ашуды жоспарлап отыр, деп хабарлады Азаматтық авиация комитеті.
"Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде", - делінген хабарламада.
Рейстер аптасына екі рет - дүйсенбі және сәрсенбі күндері - Boeing 737-800 және Boeing MAX 8 ұшақтарымен орындалады.