АСТАНА, 18 ақпан – Sputnik. Жамбыл облысында тойдың қазысы мен тойбастарын ұрлады деген күдікпен ер адам ұсталды, деп хабарлады өңір полициясы.
Меркі ауданында полиция қызметкерлері тұрғын үй-жайларға ұрлыққа түскен күдіктіні анықтады.
"Ер адам пластик есік арқылы тұрғын үйлерге заңсыз кіріп, алтын әшекейлер, ноутбук және басқа да құнды заттарды ұрлаған. Сондай-ақ басқа тұрғын үйдің қоймасынан азық-түлік (жылқы қазысы), тойбастар сыйлықтарын және өзге де заттарды ұрлап кеткені белгілі болды", - деп жазылған хабарламада.
Полиция қызметкерлері жедел іздестіру шаралары барысында бұрын сотталған 39 жастағы ер адам ұсталды.
Күдікті уақытша ұстау изоляторында отыр. Аталған дерек бойынша сотқа дейінгі тергеу басталды.