АСТАНА, 3 ақпан - Sputnik. Ақпан айында Ұлттық банк Ұлттық қордан 550 миллион доллардан 650 миллион долларға дейін сатады.
Сонымен бірге, Ұлттық реттеуші хабарлағандай, ақпан айында БЖЗҚ-дан валюта сатып алу жоспарланбайды.
"Қаңтар айында Ұлттық қордан 850 млн АҚШ долларына валюта сатылды. Бұл республикалық бюджетке трансферттер бөлуге, сондай-ақ "Талдықорған-Үшарал" магистральдық газ құбырын салуға бағытталған инфрақұрылымдық жобаны қаржыландыруға мүмкіндік берді. Ұлттық қордан сату үлесі жалпы сауда-саттық көлемінің 19%-ын немесе күніне шамамен 43 млн АҚШ долларын құрады", - деп жазылған хабарламада.
Қысқамерзімді перспективада теңгенің динамикасы нарыққа қатысушылардың күтулеріне, тоқсандық салық төлемдеріне, әлемдік нарықтардағы ахуалға және геосаяси жағдайдың өзгеруіне байланысты болады, деп хабарлады Қазақстанның Ұлттық банкі.
