АЛМАТЫ, 12 қаңтар - Sputnik. Қостанай облысындағы психиатриялық ауруханадан науқас қашқан жоқ. Бұл туралы облыстық полиция департаменті хабарлады.
Әлеуметтік желілерде психиатриялық ауруханадан науқастың қашып кеткені және пышақпен қарруланғаны туралы ақпарат тарады. Полиция ақпаратқа қатысты түсініктеме берді.
"Ер адамға полиция жалған құжат жасағаны үшін іздеу жариялады. Оның психиатриялық ауруханадан пышақпен қашқаны туралы ақпарат жалған", - деді ведомство.
Полиция жалған ақпарат тарату жауапкершілікке әкеп соғатынын ескертті.