АСТАНА, 10 қаңтар – Sputnik. Жұма күні Ресей президенті Владимир Путин Қауіпсіздік кеңесінің тұрақты мүшелерімен бейнебайланыс арқылы жедел кеңес өткізді, деп хабарлайды РИА Новости.
Ұлы Отан соғысындағы Жеңістің 80 жылдығына дайындық және мерекелеу кезінде қоғамдық қауіпсіздікті қамтамасыз ету бойынша қосымша шаралар талқыланды.
Ресейде 2025 жылы Ұлы Отан соғысындағы Жеңістің 80 жылдығына байланысты көптеген іс-шара жоспарлануда, бұл қосымша қауіпсіздік шараларын талап етеді, деп мәлімдеді Ресей президентінің баспасөз хатшысы Дмитрий Песков Қауіпсіздік кеңесінің тұрақты мүшелері отырысының күн тәртібі туралы айта отырып.
"Президент Жеңістің 80 жылдығына арналған биылғы жылдың аясында қажет болатын қосымша қауіпсіздік шаралары туралы айтты. Жоспарланған көптеген іс-шаралар, әсіресе 9 мамырда қосымша қауіпсіздік шараларын талап ететін шаралар бар. Бүгін осы талқыланды", - деді Песков журналистерге.
Бұған дейін Путин ТМД елдерінің басшыларын Ұлы Отан соғысындағы Жеңістің 80 жылдығын тойлауға шақырғаны хабарланған болатын.