ШЫҰ Бас хатшысы Жеңістің 80 жылдығын маңызды оқиға деп атады
10:23 04.01.2025 (жаңартылды: 12:36 10.01.2025)
© Photo : Пресс-служба секретариата ШОС
Жазылу
АСТАНА, 4 қаңтар — Sputnik. Шанхай ынтымақтастық ұйымының (ШЫҰ) барлық елі үшін Ұлы Жеңістің 80 жылдығы маңызды оқиға болып табылады, деп хабарлады РИА Новостиге ұйымның бас хатшысы Нұрлан Ермекбаев.
"Ұлы Жеңістің 80 жылдығы мен Екінші дүниежүзілік соғыстың аяқталуы ШЫҰ-ның құрамына кіретін барлық 26 мемлекет үшін маңызды оқиға. 9 мамыр ата-бабаларымыздың, елдеріміз бостандығы пен бейбітшілікті қорғаған ерлігі мен қаһармандығының символы болып қала береді. Олардың ерлігі таңдануға тұрарлық, біз майданда қаза тапқан, тылда еңбек етіп, соғыстан кейінгі жылдарда елдерімізді өркендетуге атсалысқан азаматтарды мәңгі есте сақтаймыз", – деді Ермекбаев.
Ол ШЫҰ-ға мүше мемлекеттердің барлығы дерлік Екінші дүниежүзілік соғыста фашизмге қарсы күресте одақтас ретінде біртұтас майдан ретінде әрекет еткенін айтты.
"Ал он мемлекеттің алтауы бір мемлекеттің құрамында Ұлы Отан соғысы даласында шайқасты. Қытайда 3 қыркүйекте атап өтілетін Қиыр Шығыс соғысындағы Жеңіс күні туралы да осыны айтуға болады", - деді Бас хатшы.
Ермекбаев 2025 жылы осы датаға орай Мәскеуде, Бейжіңде және басқа да қалалар мен астаналарда ірі әскери шерулер өткізу жоспарланғанын айтты.
"Астаналарда ғана емес, ШЫҰ-ға мүше бірқатар мемлекеттің басқа да ірі қалаларында болады. Хатшылық өз тарапынан ұйымға мүше мемлекеттердің осы күнге арналған іс-шараларды өткізу туралы кез келген ұсыныстарына ашық. Біз сондай-ақ хатшылық алаңында қандай іс-шара өткізуге болатынын ойластырып жатырмыз", - деді Бас хатшы.
ШЫҰ – 2001 жылы құрылған халықаралық ұйым. Оған Үндістан, Иран, Қазақстан, Қытай, Қырғызстан, Ресей, Беларусь, Тәжікстан, Пәкістан және Өзбекстан кіреді, бақылаушы елдер – Ауғанстан мен Моңғолия, серіктес елдер – Әзербайжан, Армения, Бахрейн, Камбоджа, Мысыр, Кувейт, Мальдив аралдары, Мьянма, Непал, Катар, Сауд Арабиясы, БАӘ, Түркия және Шри-Ланка.
Ермекбаев 1 қаңтарда ресми түрде ШЫҰ Бас хатшысы қызметіне кірісті.
