АСТАНА, 3 қаңтар - Sputnik. Ақтау әуежайында рейстер кешігіп ұшып жатыр, деп жазды Lada.kz порталы. Бұл туралы Ақтау халықаралық әуежайының ресми сайтында хабарланған.
Қазіргі уақытта Ақтаудан Астанаға, Алматыға және Ыстамбұлға ұшатын бірнеше рейс кешігіп жатыр.
Сондай-ақ Ыстамбұлдан, Астанадан, Алматыдан және Шымкенттен Ақтауға ұшып келетін рейстер де кешігуде.
Әуежайдың анықтама қызметі рейстердің кешігу себебін ұшақтардың кеш келуімен түсіндірді.
Астана халықаралық әуежайының сайтындағы онлайн-таблода бірнеше жергілікті және халықаралық рейстердің кешігуі туралы ақпарат пайда болды. Астана әуежайына 16 рейс уақытынан кешігіп қонған.