АСТАНА, 2 қаңтар – Sputnik. "ҚазАвтоЖол" ауа райының бұзылуына байланысты екі облыста жол учаскелерінің жабылғанын хабарлады.
Абай облысында сағат 15:00-ден бастап "Алматы-Өскемен" тас жолының 778-1013 шақырымы - Аягоз қаласынан бастап Шығыс Қазақстан облысының шекарасына дейінгі жол көліктің барлық түрі үшін жабылды.
Ал Шығыс Қазақстан облысында "Алматы-Өскемен" тас жолының 1013-1048 шақырымы - Абай облысының шекарасынан Уланское ауылына дейінгі жол учаскесінде көлік қозғалысына шектеу енгізілді.