АСТАНА, 29 желтоқсан — Sputnik. Грек билігі Киевке америкалық 24 RIM-7 Sea Sparrow зымыранын жіберуді жоспарлап отыр, деп жазады Ekathimerini газеті.
Басылымның мәліметінше, бұл зымырандар 40 жылға жуық қолданылған және Грекияның Әскери-теңіз күштері мен Әскери-әуе күштерінде қызмет еткен.
Басылым зымырандардың грек әскери стандарттарына сәйкес ұрыс үшін қажет емес екені анықталғанын атап көрсетеді.
"Грекия Украинаға 24 Sea Sparrow зымырандарын беруге келісті", - деп жазады басылым.
Газеттің хабарлауынша, зымырандар Грекияның Украинаға артиллериялық снарядтар, қару-жарақ пен оқ-дәрілерден тұратын әскери көмегінің кеңірек пакетіне кіреді. Басылым қарулардың нақты қашан берілетінін айтпайды.