АЛМАТЫ, 13 желтоқсан – Sputnik. 2024 жылдың 10 айында Тәжікстанға 1 млн тоннадан астам астық экспортталды, деп хабарлады Ауыл шаруашылығы министрлігі.
"Азық-түлік келісімшарт корпорациясы" ҰК" АҚ Қазақстанның астық егетін облыстарындағы элеваторларды серіктес елдерге өнім жөнелту арқылы босатып жатыр.
"Жаңа өнімнен алғашқы 20 мың тонна бидай Тәжікстанға жөнелтілді. Экспорттық келісімшарт аясында Қазақстанның астық операторы тәжік сатып алушыларына барлығы 100 мың тонна өнім жеткізуді жоспарлап отыр", - дейді ведомство.
Тәжікстан Қазақстанның астық пен ұнын тұрақты түрде тұтынады. Бұл көрсеткіш жыл сайын өсуде.
Биыл 10 айда Тәжікстанға 1 млн тоннадан астам астық экспортталды, бұл былтырғы осы кезеңмен салыстырғанда 11%-ке артық.