АСТАНА, 3 желтоқсан – Sputnik. Қазақстанның өнекәсіп министрлігі алтын мен күмісті ел аумағына әкелу және экспорттау ережесін бекітті.
Олар ЕАЭО-дан тыс елдерге қатысты. Енді мемлекеттік бақылауды уәкілетті орган жүзеге асырады.
Мемлекеттік бақылау мыналарды қамтиды:
бағалы металдар партиясын, құрамында бағалы металдар бар шикізат тауарларды ілеспе құжаттамада, оның ішінде нормативтікжәне техникалық және (немесе) техникалық құжаттамада көрсетілген деректерге сәйкестігін тексеру;
әлемдік нарықтағы бағаларды ескере отырып, бағалы металдардың құнын бағалау;
бағалы металдардың, құрамында бағалы металдар бар шикізат тауарлардың шығу көзін анықтау;
бағалы металдармен және құрамында бағалы металдар бар шикізат тауарлармен мәмілелер жасау кезінде Қазақстан Республикасы заңнамасының талаптарының сақталуын бақылау.
Сондай-ақ құрамында бағалы металдар бар шикізаттар тауарларындағы бағалы металдардың және олардан алынатын ілеспе металдардың құрамын және басқа да маңызды мәселелерді бақылау.
Бұл ретте уәкілетті орган алып шығуға немесе қайта өңдеуге қорытындыны құрамында бағалы металдар бар шикізат тауарлары экспортының барлық болжамды жылының ұзақтығына береді. Құжаттар электронды түрде Қазақстан Республикасының "электронды үкімет" порталы арқылы беріледі.
Өнеркәсіп министрлігі бұл мәселе туралы порталдардың бірінде жарияланған құжатта толығырақ хабарлады.