АСТАНА, 1 желтоқсан - Sputnik. Ұлттық экономика министрлігі азаматтардың банктік аударымдарына қосылған құн салығына салық салынатыны туралы ақпараттың таралуына байланысты мәлімдеме жасады.
Ведомствоның мәліметінше министрліктің ұсынысы банктер өз қызметі үшін клиенттерден алатын комиссияларға салық салу (ҚҚС) жөнінде болып отыр. Бұл ретте картаны шығару үшін немесе аударымдар үшін банк алатын комиссияларды мысал ретінде келтіруге болады.
"Жаңа Салық кодексінің жобасында екінші деңгейлі банктердің қаржылық операцияларына қолданыстағы жеңілдікті жою жөніндегі норма ұсынылады. Азаматтар аударған қаржының өзіне салық салынбайды", - деп түсіндірді ведомство.
Егер бір банктің ішіндегі ақша аударымдары комиссиясыз жүзеге асырылса, тиісінше мұндай жағдайларда салық салынбайды.
Министрлік жаңа Салық кодексінің жобасы әлі талқыланып жатқанын еске салды.
Ұсынылған нормаларды парламент депуттатары, бизнес-қоғамдастық пен жұртшылық талқылап жатыр. Кодекстің соңғы жобасы 2025 жылы қабылданады.