АЛМАТЫ, 1 желтоқсан - Sputnik. Алматы облысы Жамбыл ауданында үш көлік соқтығысып, бір адам қайтыс болды, деп хабарлайды облыстық полиция департаменті.
Қайғылы оқиға 30 қарашада болған.
"Mercedes Benz 280 жүргізушісі Алматы-Бесмойнақ автожолының 77 шақырымында келе жатып, қарсы қозғалыс жолағына шығып, Ford Focus автокөлігімен соқтығысқан. Сосын ВАЗ-2114 көлігімен соғылған", - дейді ведомство.
Жол апатының салдарынан Ford Focus жүргізушісі сол жерде көз жұмды. Түрлі жарақаттарымен екі жолаушы аудандық ауруханаға жатқызылды. Жол апатына қатысты тергеу жүріп жатыр.