АСТАНА, 26 қараша – Sputnik. Алматы қаласында тепловоз автобусқа соғылды. Әлеуметтік желіде оқиға орнында түсірілген фотолар тарады, деп хабарлайды Sputnik Қазақстан.
Қалалық полиция департаменті ұсынған ақпаратқа сәйкес, жол апаты бүгін 11:40-та болған. 88-ші бағыттағы автобус жүргізушісі Әуезов көшесімен келе жатқанда тепловозға жол бермеген.
Жол апаты кезінде тепловоз қоғамдық көлікті бүйіріне кіріп кетті. Автобуста болған 6 жолаушы зардап шекті. Оларға медициналық көмек көрсетілді. Полицейлер жол-апатының мән-жайын анықтауға кірісті.