АСТАНА, 20 қазан – Sputnik. Украина парламентінің депутаты Роман Костенко мобилизация жасын төмендетуді ұсынды, оның пікірінше, егер адам 21 жасында Жоғарғы Раданың депутаты бола алса, онда ол 20 жасында міндетті түрде қызметке шақырылуы керек.
Жұма күні Украина Қорғаныс министрлігінің басшысы Рүстем Умеров АҚШ Украина билігімен мобилизация жасын төмендету мәселесін талқылап жатқанын, өйткені олар Киевтің неліктен 18 бен 25 жас аралығындағы адамдарды майданға жібермейтінін түсінгісі келетінін мәлімдеді.
Оның айтуынша, бұл тақырыпты конгрессмендер отырыстан тыс әңгімелерде белсенді түрде талқылап жатыр. Костенко америкалықтардың Украинадағы мобилизация мәселесіне күмәнданып отырғанын жеткізді.
"Мобилизация мәселесі бар дейсіздер. Неліктен барлық елде 18 жастан, ал сіздерде 25 жастан бастап әскерге алынады? Демек сіздерде мобилизация мәселесі жоқ. Немесе іргелі шешімдер қабылдаудан қорқасыздар", - деп Костенко екіжақты әңгімеден үзінді келтірді.
Украинада мобилизацияны күшейту туралы заң 18 мамырда күшіне енді. Құжат күшіне енген күннен бастап 60 күн ішінде әскери қызмет өткеруге міндетті барлық тұлғаны әскери комиссариаттағы мәліметін жаңартуды міндеттейді. Ол үшін әскери комиссариатқа барып немесе "әскери міндеттінің электронды кабинетінде" тіркелу қажет.