АСТАНА, 3 қыркүйек – Sputnik. Бүгінгі таңда 4,2 млн гектардан дәнді дақыл жиналып, 6,4 млн тонна астық бастырылды. Орташа өнімділік өнімділік – 15,3 ц/га, деп хабарлады Ауыл шаруашылығы министрлігі.
Атап айтқанда 4,5 млн тонна бидай, 1,5 млн тонна арпа, 57 мың тонна сұлы бастырылды.
Сондай-ақ 669,8 мың тонна картоп, 1,5 миллион тоннадан астам көкөніс дақылдары жиналды. Бақша дақылдарының өнімі 2,3 млн тоннадан асты.
Егін жинау науқанына 149,9 мың трактор, 37,6 мың астық жинайтын комбайн, 14,9 мың орақ және 195 мың бірлік басқа техника жұмылдырылды.